Koox dableey ah oo hubaysan ayaa xalay weerar ku qaaday dad ku sugnaa ceelka Canjiile ee degmada Balanballe, woqooyiga gobolka Galgaduud, sida ay sheegayaan wararka aan ka heleyno deegaankaasi.
Inta la xaqiijiyay weerarkan dhacay ayaa waxaa ku dhintay hal ruux, halka qof kale uu ku dhaawacmay, Intaas kaddib, raggii weerarka soo qaaday oo isku dayay in ay goobta falka ka fuliyeen ka baxsadaa ayaa eryaday dad sitay hub oo goobta ka dhawaa.
Wararka ayaa intaas kusii daraya in dableydii hubeysneyd goobta looga dilay mid ka mid ahaa, waxaana maydkiisa la geeyay saldhigga booliiska degmada Balanballe, sida dadka deegaanka Balanballe
Balanballe iyo deegaanada hoos yimaada waxaa had iyo jeer ka dhaca dilalka la xiriira aanooyinka qabiil, waxaana dhowr jeer aan dhaqangalinin nabadeyn iyo dib u heshiisiin ay garwadeen ka yihiin odayaasha dhaqanka labada dhinac iyo maamulka Galmudug.
