Warar dheeraad ah ayaa ka soo baxay Qarax Gaari oo ka dhacay Ex-Koontarool Afgooye ee Magaalada Muqdisho,kaasi oo jugtiisa laga maqlay qeybo kamid ah Muqdisho.
Qaraxaas ayaa waxaa uu ahaa mid lagu soo xiray gaari NOHA,isla markaana uu ku qarxay Wadada laamiga ee Ex-Koontarool,waxaana la sheegay in Gaariga uu doonayay in halkaas uga gudbo Xerada Ciidanka Asluubta oo ku taalla halkaas.
Ciidamo ka tirsan dowladda gaar ahaan kuwa Haram cad oo ku sugnaa halkaas la tilmaamay in gaariga ay ka shakiyeen ka dibna  rasaas dhowr ah ay ku fureen Gaariga ,hayeeshee markii dambe uu qarxay.
Wararka ayaa intaasi ku daraya in Gaariag qarxay ay la socdeen laba ruux iyo Darawlkii waday,waxaana la sheegay in Ciidanka amniga mid kamid ah ay toogteen raggaas,halka mid kalena uu baxsaday.
Askar dhow ah oo ka tirsan Ciidanka dowladda ayaa ku dhaawacmay qaraxaas,waxaana la sheegayaa inuu jiro Khasaaro kale oo soo gaaray dad shacab ah oo xiligaas goobta ka Agdhawaa.
Weli ma jiro wax war ah oo ka soo baxay laamaha amniga dowladda Soomaaliya oo ay uga hadlayaan qaraxii ka dhacay Ex-Koontarool Afgooye ee Magaalada Muqdisho.
