Qaraxaan oo Caawa jugtiisa laga maqlay Xaafado ka tirsan Magaalada Muqdisho ayaa waxa uu ka dhacay qeybo kamid ah Degmada Warta-nabadda ee Gobolka Banaadir.
Dad goobjoogayaal ah ayaa waxa ay sheegeen in qaraxa uu ahaa miino nooca dhulka lagu aaso,isla markaana lala eegtay Gaari marayay Nawaaxiga Xaafadda laba dhagax oo ka tirsan degmada Warta-nabadda,inkastoo aan la ogeyn waxa uu ahaa Gaarigaas iyo cida wadatay intaba.
Sidoo kale waxaa la sheegay in qaraxaas ay ku dhaawacmeen laba ruux oo xiligaas goobta ka agdhawaa,waxaana loola cararay mid kamid ah Isbitaalada ku taalla Magaalada Muqdisho.
Sida Caadada aheyd goobta ayaa waxaa gaaray Ciidamo ka tirsan kuwa Booliska Soomaaliya,kuwaasi oo xiray Wadada,hayeeshee markii dambe dib u furay.
