Warar dheeraad ah ayaa laga helayaa dagaal xooggan oo qeybo kamid ah Gobolka Sanaag ku dhexmaraya laba maleeshiyo beeleed hubeysan oo Gobolka wada-daga.
Dagaalka oo dhinacyada isku adeegsanayaan hubka cul culus ayaa si gaar ah uga socda degaanka Dararweyne oo ka tirsan degmada Ceel Afweyn ee galbeedka gobolka Sanaag.
Khasaaro dhimasho iyo dhaawac leh ayaa lasoo weriyay inuu dhaliyay dagaalka maleeshiyo beeleedka dhexmaraya, kaasi oo bilowday waaberigii hore ee Maanta oo Jimco ah.
Colaadda beelaha ayaa sannadihii u danbeeyay ku soo noq-noqotay degaannada dhaca galbeedka gobolka Sanaag gaar ahaanna Ceel Afweyn iyo Dararweyne, inkasoo dhowr jeer oo horey lagu guuleystay in la xaliyo dhibaatooyinka keena dagaalka.
