Faah faahino dheeraad ah ayaa ka soo baxaya qarax khasaaro u geestay dad Shacab ah oo xalay ka dhacay qeybo kamid ah Gobolka Bari Puntland.
Qaraxaan ayaa ka dhacay deegaan lagu magacaabo Balikhadar oo aan ka fogeen Buuraha Galgala ee Gobolka Bari,waxaan la sheegay in uu qaraxa ahaa Miinada nooca dhulka lagu aaso islamarkaana ay la kacday Gaari ay saarnaayeen dad Shacab ah.
Inta la xaqiijiyay qaraxaas waxaa ku dhintay laba ruux oo kala ahaa Haweeneey iyo Seeygeeda oo Gaariga qaraxa qabsaday wada saarnaa.
Weli majirto cid sheegatay masuuliyada qaraxaas ka dhacay meel aan ka fogeen Buuraha Galgala ee Gobolka Bari Puntland.
