Madaxweynayaasha dalalka Uganda iyo Zambia ayaa Kulan Khaas ah ku yeeshay Aqalka Dowladda Uganda ee ku yaalla duleedka Kampala.
Madaxweyne Yuweri Museveni iyo dhigiisa dalka Zambia, Edgar Lungu waxay si gaar ah uga wada hadleen xiriirka labadooda dal, Xaalladaha ka jira  Qaaradda Afrika iyo Hawlgalka Nabad-soo-celinta ee dalalka Somalia, South Sudan, Burundi iyo Afrikadda Dhexe.
War Saxaafadeed ka soo baxay Kulanka Labada Madaxweyne kadib ayaa lagu sheegay inuu Madaxweynaha Zambia, Edgar Lungu dhamaystay booqasho saddex maalmood oo ku joogay Uganda, isla markaana uu ammaanay doorka muhiimka ee ay Milliteriga Uganda kaga jiraan Hawlgalka AMISOM ee soo-celinta Nabaddaiyo Deganaanshaha dalka Somalia.
Kumanaan ka tirsan Ciiddanka Uganda ee UPDF ayaa qeyb ka ah Hawlgalka AMISOM, waana tiraada ugu badan dalalka qeybta ka ah Hawlgalkaasi
Dhinaca kale, Madaxweynaha Uganda, Yoweeri Museveni waxa uu ka mahadceliyey taageeradii ay Zambia ka geysteen Xornimo-doonkii Uganda ee Xilligii Gumeysiga ee sannadihii 60-aadkii.
© Radio Dalsan
