Magaalada Nairobi ee Caasimadda dalka Kenya ayaa Maanta waxaa kulan ku yeeshay Xildhibaano ka tirsan labada Golle ee Baarlamaanka,xubno kamid ah xisbiyada Siyaasadeed ee dalka iyo Mas’uuliyiin xilala kala duwan ka soo qabtay dowladda Soomaaliya.
Kulankaan ayaa markii uu soo dhammaaday waxaa laga soo saaray War-mutiyeed ka kooban dhowr qodob,isla markaana waxaa ku jira kuwa aad loogu dhaliilay dowladda Federaalka.
Mas’uuliyiinta ka qeybgashay kulankaas ayaa waxaa kamid ah ahaa Wasiirkii hore ee Arrimaha Gudaha Soomaaliya Cabdi faarax siciid Juxa,Hogaamiyeyaasha Xisbiyada Wadajir, Ilays,Xildhibaan Cabduqaadir Cosoble,wasiiro horey oo xilala kala duwan ka soo qabtay dowladda,Taliyihii hore ee NISA Cabdullaahi Maxamed Cali Sanbaloolshe iyo Mas’uuliyiin kale oo Caan ka dalka Soomaaliya.
Cabdinuur Sheekh Maxamed oo mar soo noqday Wasiirka Waxbarashada Xukuumadda Soomaaliya ayaa warbaahinta u Akhriyay War-martiyeedka ka soo baxay Kulankii Maanta ka dhacay Magaalada Nairobi ee Caasimadda dalka Kenya.
