Taliska Ciidanka Booliiska Soomaaliland ayaa faah faahin guud ka bixiyay holwgal ay xalay ka sameeyeen Magaalada Hargeysa kaas oo lagu soo qabtay dad uu ka mid yahay Sheekh Aadan Cabdi Warsame (Aadan Suni) oo ka mid ah Culumada Magaalada Hargeysa.
Afhayeenka Ciidanka Booliiska Soomaaliland iyo Saraakiil kale oo shir Jaraa’id Warbaahinta ugu qabtay Magaalada Hargeysa ayaa waxa uu sheegay in Sheekh Aadan uu lidi ku yahay amniga iyo Qaranimda Soomaaliland kadib markii uu horay u garab istaagay dhalinyaro doonayay in ay qalqal geliyaan amniga Soomaaliland kuwaas oo la soo qabtay iyaga oo tababar ku jira.
Sidoo kale waxa uu sheegay Afhayeenki in uu Sheekhu abaabulay koox dhalinyaro ah oo isugu jira rag iyo dumar kuwaas oo dagaal iyo iska caabin kala horyimid ciidanka Booliiska Soomaaliland ee waday howlgalka lagu soo xiray Sheekh Aadan Cabdi Warsame.
Ugu dambeyn waxa uu sheegay in marnaba aysan ogolaan doonin in Soomaaliland ay ku dhex noolaato cidkasta oo lidi ku ah amniga Shacabkana laga doonayo in ay Ciidamada la Shaqeeyaan.
Hoos Ka Dhageso Shirka Jaraa’id
