Xasan Cali Kheyre Ra’iisul Wasaaraha Soomaaliya ayaa markii ugu horeysay qiray in dalka Soomaaliya uu ka jira musuq maasuq baahsan kaas oo saameyay badi Bulshada Soomaaliyeed.
Waxa uu sheegay Kheyre in weli Xukuumadda Soomaaliya aysan gaarin hankii ay uga hortegi laheyd masuq maasuqa isla markaana musuq maasuqii ugu weynaa uu dalka ka jira.
Isaga oo sii hadalayay Ra’iisul Wasaare Kheyre ayaa wxa uu sheegay in lacagihii loogu talo galay qasnada dowladda si Bulshada wax loogu qabto aysan ku jirin Gacanta dowlada isla markaana meelo kale ay ku dhacdo.
Ugu dambeyn waxa uu sheegay in dalkaan uusan ka dhamaameyn musuq maasuq ilaa iyo inta Wasaaradda Maaliyadda ay dad u xir xirin musuq maasuqa.
Ra’iisul Wasaare kheyre ayaa dhowr mar ku cel celiyay in xukuumadiisu ay sida Al-Shabaab oo kale ula dagaalami doonto musuq maasuqa balse uu isagu haatan qirtay in aysan weli ku guuleysan la dagaalanka musuqa.
Hoos Ka Dhageyso Codka Ra’iisul Wasaaraha Soomaaliya.
