Maamulka Koonfur Galbeed, ayaa si adag uga jawaabay hadal ka soo yeeray Gudoomiye Kuxigeenka 2aad ee Baarlamaanka Somaliya, Mahad Cabdalla Cawad.
Gudoomiye Kuxigeenka, ayaa sheegay in ay ergo soo dooratay Madaxweynaha Dowlad Goboleedka Koonfur Galbeed, Shariif Xasan Sheekh Aadan, isla-markaana la dedejiyay doorashada, sababo ku aadan iyadoo ay soo dhaweyd ciidda Masiixiga.
Wasiirka Dastuurka Koonfur Galbeed, C/laahi Sheekh Xasan ayaa sheegay in gudoomiyaha uu kala garan waayay masuuliyada uu haayo iyo waxa uu ka hadli karo,wliba xataa uusan ka mid aheyn dadka ka soo jeeda deegaanada koonfur Galbeed Soomaaliya lakin ay u arkeen in warkaas loo soo yeeriyay.
Wareysi uu siiyay Radio Dalsan ayuu Cabdullaahi Sheekh Xasan ku sheegay in hadalka ka soo yeeray gudoomiye ku xigeenka 2,aad ee baarlamaanka uu yahay mid uu ugu gefay dadka koonfur Galbeed sidaas daraadeedna looga baahan yahay in raaligelin uu ka bixiyo.
Waxa uu sigaar ah uga hadlay arrinta ku aadan in Maamulka Koonfur Galbeed uusan laheyn Dastuur la’aqoonsan yahay laakin ay iyaga diyaar u yihiin in ay tusaan taasina ay tahay mid muhiim ah isaga oo aan xaq u laheyn in uu ka hadlo arrimaha Koonfur Galbeed.
Hoos Ka Dhageyso Wareysiga Wasiirka Dastuurka Koonfur Galbeed, C/laahi Sheekh Xasan oo dhameystiran.
