Wararka aan ka heleyno duleedka Magaalada Jowhar ee xarunta Gobolka Shabeelle ayaa waxa ay sheegayaan in Gaari ay saarnaayeen dad Shacab ah lagu rasaasaayay halkaas kadibna kooxo hubeysan ay baarteen.
Qof ka mid ah dadka deegaanka oo la hadlay dalsan ayaa waxa uu sheegay in Gaariga rasaasta lagu furay uu ka yimid deegaanka Ban Caano,balse xili uu marayay duleedka Jowhar la rasaaseeyay,islamarkaana ay ku dhaawacmeen ilaa laba Ruux oo ka mid ahaa dadka rakaabka ah.
Waxa uu hadalkiisa intaas ku daray in sidoo kale Kooxda Burcada ah ay Gaariga dadkii saarnaa baarteen isla markaana ay qaateen waxyaabihii ay wateen sida uu hadalka u dhigay.
Xirii ayaan la sameynay Maamulka Magaalada jowhar ee Gobolka Shabeellaha Dhexe si aan wax uga weeydiino arintaas balse kama jawaabin taleefoonadeena.
Hoos Ka Dhageyso Wareysiga Goobjoogaha
