Magaalada Kismaayo ee Xarunta Gobolka Jubbada Dhexe ayaa Maanta waxaa kulan ku yeeshay Madaxweyne ku-xigeenka Koowaad ee Jubbaland,Xildhibaanada Baarlamaanka maamulkaas iyo Odayaasha dhaqanka.
Inta uu kulanka socday ayaa waxa lagu soo bandhigay Howlgaladii Ciidanka Xoogga dalka Soomaaliyeed iyo kuwa Daraawiishta Jubbaland ay ka sameeyeen deegaano hoostaga Degmada Jamaame ee Gobolka Jubbada Hoose,iyadoona howlgalka lagula wareegay deegaano ay ku sugnaayeen Al-shabaab.
Madaxweyne ku-xigeenka Koowaad ee Jubbaland,Xildhibaanada Baarlamaanka iyo Odayaasha dhaqanka Kismaayo ayaa si wadajir ah u Cambaareeyay xariga dowladda Soomaaliya u geysatay Wasiirka amniga Jubbaland Cabdirashiid Xasan Nuur Janan.
Sidoo kale Maxamud Sayid Aadan ayaa Beesha Caalamka ugu baaqay inay dib u soo celiso doorkeedii dhex dhexaadnimada ahaa,isla markaana ay gargaar u fidiyaan dadka reer Jubbaland ay dhibaateysan.
Ugu dambeyntii Maxamud Sayid Aadan Madaxweyne ku-xigeenka Koowaad ee dowlad Goboleedka Jubbaland ayaa faahfaahin ka bixiyay waxyaabihii looga hadlayay kulankaas.
