Duhurnimadii Maanta ayaa qarax waxa uu ka dhacay qeybo ka mid ah degmada Afgooye ee Gobolka Shabeellaha Hoose, gaar ahaan Wadada aada dhanka Magaalada Marka ee Xarunta gobolkaas.
Qaraxan oo ahaa Miinda nooca dhulka lagu aaso ayaa waxaa lala eegtay Ciidamo ka tirsan kuwa dowladda Soomaaliya xili ay marayeen inta u dhaxeysa Xerada Agoonta Nahreyn iyo Garoonka Kubadda Cagta ee Xidigaha.
Wararka ayaa waxa ay intaas ku darayaan in Gaarigii qaraxa lala eegtay uu burburay, isla markaana uu jiro khasaaro ka soo gaaray ciidamadii saarnaa Gaariga.
Warkaan waxaa Afgooye ka soo diray Maxamed Cusmaan Ma’da
