Magaalada Dhuusamareeb ee Caasimadda dowlad Goboleedka Galmudug ayaa Maanta waxaa u ambabaxay Ergada Beesha Mudulood uga qeyb galeysa Shirweynaha dib-u-heshiisiinta Galmudug.
Ergadan oo ka kooban 47 xubnood ayaa waxaa hogaaminayay Suldaan Maxamed Cabdi Shiddo,waxaana Goordhaweyd ay ka ambabaxeen Garoonka diyaaradaha Aadan Cadde ee Magaalada Muqdisho.
Suldaan Cabdi Shiddo oo la hadlay Idaacada Dalsan xili uu ku sugnaa Garoonka Aadan Cadde ayaa waxaa uu sheegay in Maanta ay Dhuusamareeb u ambabaxeen Ergada Beesha Mudulood uga qeyb galeysa Shirka dib u heshiisiinta Galmudug,kaasi oo gogashiisa ay taallo halkaas.
Sidoo kale Suldaan Cabdi Shido ayaa waxaa uu sheegay in Ergadan ay Shirka dib-u-heshiisiinta Galmudug ku matali doonaan beelaha dega deegaanada Bariga Galgaduud iyo Koonfurta Gobolka Mudug
Magaalada Dhuusamareeb ayaa waxaa taalla Gogosha Shirweynaha dib u heshiisiinta Galmudug ,kaasi la isugu keenayo dhammaan beelaha Galmudug si ay uga wada hadlaan qorshaha dhismaha Galmudug mideysan oo loo dhanyahay.
Hoos ka Dhageyso Codka Suldaan Cabdi Shiddo.
