Ciidamada Maamulka Soomaaliland ayaa Xabsiga u taxaabay Nin u dhashay dalka Yaman kaas oo la sheegay in uu furtay Goob Caafimaad oo lagu daweynayo dadka qaba cudurka Shuban-biyoodka.
Soomailand ayaa ninkaan waxa ay ku eedeeysay in uu Xarun caafimaad ka furtay Magaalada Burco iyagoo horay u mamnuucay in Goobo gaar ah lagu daweeyo cudurkaas sida uu Warbaahinta u sheegay Agaasimaha Wasaaradda Caafimaadka ee Gobolka Togdheer Yuusuf Dira Cabdi.
Soomaaliland ayaa horay u sheegtay in hal goob oo kaliya lagu daweyn doono cudurka Shuban-biyoodka kaas oo ka dilaacay inta badan Gobolka Togdheer gaar ahaan magaalada Burca iyadoona mamnuucday in goobo Caafimad oo si gaar ah loo leeyahay la furto.
Hoos Ka Dhageyso Codka
