Wararka naga soo gaaraya Gobolka Galgaduud ayaa waxa ay sheegayaan in haatan uu dagaal ka socdo deegaano u dhow degmada dhuusamareeb ee Gobolka Galgaduud.
Dagaalka ayaa u dhaxeeyay ciidamada maamulka Galmudug oo kaashanaya kuwa Xoogga dalka Soomaaliya qeybtooda 21,aad, iyo Ciidamo ka tirsan kuwa Ahlusuna Wal-Jamaaca.
Dagaalka ayaa intiisa badan waxa uu ka socdaa deegaanka Miriq oo u dhaxeeya deegaanka Mareer Guur iyo Xarunta Gobolka Galgaduud ee Dhuusa-Mareeb.
Wariye ku sugan Magaalada Dhuusa-Mareeb ayaa Radio Dalsan u xaqiijiyay in dagaalku uu yahay mid leysku adeegsanayo hubka noocyadiisa kala duwan,islamarkaana in Ciidamada Xoogga dalka iyo kuwa Galmudug ay kaabiga ku hayaan Magaalada dhuusa-Mareeb oo ay ku sugan yihiin Ciidamada Ahlusuna Wal-Jamaaca.
Wixii ku soo kordha kala socda radiodalsan.comÂ
