Wararka aan ka heleyno Magaalada Gaalkacyo gaar ahaan deegaanka Docol ayaa waxaa ay sheegayaan in halkaasi saakay waabarigii hore Bakhaar ku yaalla uu ka kacay Dab xoogan.
Dabka ayaa waxaa uu ka kacay Bakhaar lagu keediyo Hubka oo ku dhax yaalla Saldhiga deegaanka Docol oo qiyaastii 40-KM u jira Magaalada Gaalkacyo ee Xarunta Gobolka Mudug ,isla markaana uu weli haatan socdo dabkaas.
Dadka deegaanka ayaa waxaa lagu soo waramayaa inay wadaan dadaalo lagu deminayo dabkii saakay ka kacay Bakhaar lagu keediyo Hubka,waxaana uu geystay Khasaaro hantiyadeed.
Sidoo kale Guddoomiyaha deegaanka Docol ayaa waxaa uu sheegay in dabka uu ku dhaawacmay hal ruux oo shacab ah,kaasi oo kamid ah dadka deegaanka.
