Madaxweyne-ku-xigeenka dalka Iraq, Ayaad Calaawi ayaa hadalkaasi ku sheegay Wareysi uu siiyey mid ka mid ah Warbaahinta dalkaasi, wuxuuna xusay inay Daacish wada-xaajood la bilaabeen Al-qaacida, oo ay suurto-gal tahay inay yeeshaan Isbahaysi.
Waxa uu tilmaamay inuu warkaasi ka helay xiriiro lala sameeyey dad aqoon u leh Arrimaha Iraq.
“Wada-xaajoodka haatan ayuu bilowday, waxaana jira La-tashiyo iyo wada-xaajood u dhexeeya Wakiilo matala Hoggaamiyaha Al-qaadcida, Ayman Al-zawaahiri iyo dhigiisa Daacish, Abu Bakar Al-baqdaadi.
Daacish waxay ka soo faruurmeen Al-qaacida sannadkii 2014-kii, iyadoo Ayman Al-zawaahiri si toos ah u naqdiyey Falalka Daacish ee ay dadka ku dilaan, sida qoor-goynta, dadka oo biyaha lagu hafiyo ilaa ay ka dhintaan iyo dadka lagu dhex gubo Xayndaab Shabaq ah.
Dhinaca kale, Ku-xigeenka Madaxweynha Iraq, Ayaad Calaawi waxa uu carrabka ku dhuftay inuusan ogeyn qaabka ay Daacish iyo Al-qaacida si wadjir ah ugu wada shaqeyn karaan.
©Radio Dalsan
