Ciidanka Booliska dowladda Kenya ayaa howlgal qorsheysan oo ay ka fuliyeen deegaan Baarlamaneedka Ruiru ee Ismaamulka Kiambu ku dilay Nin hubeysan oo burcad ahaa oo dad shacab ah dhac u geystay.
Qoraal kasoo baxay Waaxda dambi baarista ee DCI-da ee dalka Kenya ayaa waxaa lagu sheegay in Ciidanka Booliska ay toogasho ku dileen Nin hubeysan oo dhac u geystay laba qof, kaasi oo markii hore rasaas is dhaafsadeen Ciidanka Booliska, balse la dilay.
Waaxda dambi barista ayaa sidoo kale tilmaamtay in Baaritaan dheeraad ah oo ay Saraakiisha amniga ka sameyeen aagga loo yaqaano Gorofa Chafu ee xaafadda Kihunguro ee Kenya ku soo heleen baabuur laga dhacay labadaas qof.
Waaxda DCI-da ee dalka Kenya ayaa intaas waxaa ay kusii dartay in howlgalka qorsheysan ee laga fuliyay deegaan Baarlamaneedka Ruiru ee Ismaamulka Kiambu ee dalkaas uu qeyb ka yahay xaqiijinta amniga degaanka.
Si kastaba Dhacdadan ayaa ku soo beegmaysa, labo cisho ka dib markii saddex burcad oo hubeysnaa lagu dilay xaafadda Githurai 45 saacado ka dib markii ay dhaceen baabuur la baakimay, kuwaasi oo markii dambe heleen Ciidanka Booliska.
