Ciidanka Xoogga Dalka Soomaaliyeed ayaa howlgal Qorsheeysan ka sameeyay Degmada Jamaame iyo Deegaano hoos yimaado ujeedka howlgalka ayaa ahaa in sidii Al-shabaab looga saari lahaa deegaano ka tirsan Gobolka Jubbada Hoose.
Ciidanka Xoogga ayaa Al-shabaab ka saaray Degaano Dhowr ah oo hoosyimaado Magaalada Jamaame ee Gobolka Jubbada hoose Degaanadaasi oo ay kamid yihiin Xeyneeroow, Soomareey,Janaanle Jaay, iyo Yiideey,
Inta howlgalka uu socday ayaa Ciidanka Xoogga Dalka waxaa ay sheegeen inay dileen 6 dagaalyahano oo Al-shabaab,isla markaana gacanta ay ku dhigeen xubno kale oo nool oo dhaawacyo ay soo gaareen.
Taliyaha Qeeybta 43aad Ciidanka Xoogga Dalka S/guuto Maxamed Maxamuud Bogmadow oo lahadlay Warbaahinta Ciidamadda Qalabka Sida ayaa sheegay in dagaalamayaasha nolosha ay ku hayaan ay usoo gudbiyeen goobo loogu talagalay islamarkaasna kuwa dhaawaca ah la daaweeynayo.
Taliyaha ayaa intaasi ku daray in howlgalada ay ka socdaan Gobolada Jubbada hoose Jubbada dhexe iyo Gedo dhawaan laga saari doono Degaanada Al-shabaab .
