Magaalada Garoowe ee Xarunta Gobolka Nugaal Puntland waxaa Maalintii Afaraad ku xiran Wariye Cabdixakiin Xuseen Xasan kaas oo ay xireyn ciidamada maamulka Puntland.
Saraakiisha Ciidamada Puntland weli kama hadlin sababta loo xiray Wariyaha,balse qaar ka mid ah Eheladiisa ayaa waxa ay Warbaahinta u sheegeen in uu xirtay Xildhibaan ka tirsan Maamulka Puntland.
Horay ayaa Puntland waxa ay u xirtay Wariyayaal ka howlgalla deegaannada Maamulkaas,kuwaas oo qaarkood la xukumay kuwana xurriyadooda la siiyay.
Wariyayaasha ka howlgalla Magaalada Garoowe qaarkood oo Dalsan la hadlay ayaa waxa ay sheegeen in ay laamaha amniga Magaalada Garoowe ka dalbanayaan in ay siidaayaan Wariyaha.
