Xiriiriyaha Gobalka Xeebta ee dalkaasi, Nelson Marwa ayaa walaac xooggan ka muujiyey Hawlgalka Ammaanka ee ay Ciiddanka ka wadaan Kaymaha Boni Forest oo ku dhow Xuduudka Somalia.
Nelson Marwa ayaa hadalkaasi ku sheegay mar wax laga weydiiyey sababta loogu guuleysan la’ yahay Hawlgalkaasi oo bilowday bishii September 15-dii ee sannadkii 2015-kii.
Waxa uu tilmaamay in loo bahaan yahay in la arko Isbedel dhinaca Ammaanka iyo in baaritaano lagu sameeyo sababaha ay Dagaalamayaasha Alshabaab hawlgalo uga fuliyaan gudaha Kenya, iyagoo ka soo dhex duulaya Deegaanadda ay Ciiddanka Kenya joogaan.
Dhinaca kale, Xiriiriyaha Gobalka Xeebta ee dalkaasi, Nelson Marwa waxa uu ku baaqay in la baaro Saraakiishii ku sugnaa Tuullooyinka Hindi iyo Mokowe ee lagu gawracay 4-qof oo rayid ahaa.
