Guutada 16aad ee kumaandoosta Danab oo ka tirsan ciidanka xoogga Dalka ayaa maanta gobalka shabeellaha Hoose ka fuliyay Howl-gal ballaaran oo qorshihiisu ahaa in Al-shabaab looga xoreeyo deegaannada ay kaga sugan yihiin Gobolkaas.
Ciidanka kamaandoosta ayaa si buuxda Al-shabaab uga xoreeyay Tuulooyinka Moradiinle, Buula Miskiin, Macallinka, Baladul Amiin, Raqayle, Sabriye iyo Buula Bashiir.
Taliyaha Guutada 16aad ee Danab G.le Ismaaciil ayaa sheegay in 20 kamid ah Alshabaab lagu dilay intii uu socday howlgalka waa sida uu hadalka u dhigay.
Taliye Ismaaciil ayaa sheegay inay sii wadayaal howl-gallada inta Al-shabaab laga saarayo dhammaan deegaannada ay sugan yihiin Gobolka Shabeellaha Hoose.
