Ugu yaraan 2 carruur ayaa geeriyootay, 3 kalena wey ku dhaawacantay qarax shalay ka dhacay Tuullo hoos tagta Degmadda Mandera  ee kaabiga ku hays Xuduudka Somalia.
Sarkaal ka tirsan Dowlad-gobaleedka Mandera, David Mbeki ayaa xaqiijiyey inuu qaraxaasi ka dhacay Tuullo lagu magacaabo Hareeralesa, iyadoo uu hal qof oo aan qaan gaarin ku geeriyooday isla goobta, halka labada kale la dhigay Isbitaal ku yaalla Deegaanka.
Waxa uu intaasi ku daray inay Khubarada miinooyinka halkaasi so ogaareen, isla markaana baarayaan qaabka uu u dhacay shilkaasi qaraxa ahaa.
“Waxaan ka shaki qabnaa inuu qaraxu ahaa bam-gacmeed ay carruurta ku ciyaarayeen oo ku qarxay†ayuu yiri David Mbeki
Waa shilkii ugu dambeeyeey ee Mandera ka dhaca tan iyo markii Bandowga lagu soo rogay muddo haatan laga joogo 4 bilood.
Bandowgaasi ayaa lagu so orogay Deegaanadaasi, kadib, markii ay Dagaalamayaasha Alshabaab silsilado weeraro qorsheysan ka fuliyeen Baro Ciiddan oo ku kala yaallaa Degmooyinka Mandera, Wajeer, Garissa iyo deegaano kale.
Alshabaab ayaa weeraradaasi bilowday kadib, markii ay Ciiddanka Kenya soo galeen gudaha Somalia bishii October ee sannadkii 2011-kii, waxayna Alshabaab wacad ku mareen inay wadi doonaan Hawlgalladda ay ku beegsanayaan Askarta Kenya ee joogta gudaha Somalia iyo kuwa ku sugan Deegaanadda ku teedsan Xuduudka.
Weeraradda ay Ciiddanka Kenya sida xooggan ugu hoobteen ayaa laga xusi karaa Weeraradii ka kala dhacay Deegaanadda Ceel-cadde iyo Kul-biyow oo ka kala tirsan Goballdda Gedo iyo J/Hoose.
©Radio Dalsan
