Dowladda Burundi ayaa shaacisay tirada Askarta looga dilay weerarkii Maalin ka hor ka dhacay duleedka Degmada Balcad ee Gobolka Shabeellaha Dhexe,kaasi oo lala eegtay Kolonyo ay la socdeen Ciidamo AMISOM gaar ahaan kuwa Burundi.
War ka soo baxay Dowladda Burundi ayaa waxaa lagu sheegay in weerarka oo ka dhacay deegaanka Gololey oo ku yaalla inta u dhexeysa Balcad iyo Jowhar looga dilay 12-Askari oo ka tirsan Ciidankooda ku sugan gudaha dalka Soomaaliya.
Sidoo kale weerarka ayaa waxaa dhaawac ku noqday Askar kale oo ka tirsan Ciidanka Burundi,kuwaasi oo socdaalka ku marayay duleedka Degmada Balcad,hayeeshee uu qabsaday weerar dhabo ah oo uga yimid dagaalmayaasha Al-shabaab.
War qoraal ah oo lagu daabacay baraha Internet-ka Al-shabaab ayaa waxaa ay ku sheeteen Mas’uuliyada weerarkii lala eegtay Kolonyada ay la socdeen Ciidamo AMISOM gaar ahaa kuwa Burundi,isla markaana ay ku dileen 14 Askari,halka tirro kalena ay ku dhaawaceen.
