Hadal ka soo baxay Wasaaradda Caafimaadka ee Maamulka Falastiin ayaa lagu sheegay inay Toogashadaasi saakayto ka dhacday Tuulladda Beyt Riima ee Waqooyiga magaalladda Ramala ee Daanta Galbeed ee dhulalka la-haysto ee Falastiin.
Marxuumka la dilay oo la oran jirey Axmed Xaseem Rimaawi ayaa la sheegay in Wadnaha laga toogtay, xilli uu iska horimaad dhex marayey Ciiddanka Yuhuudda iyo Dhallinyaro Falastiiniyiin.
Marxumka la dilay Aabahiis ayaa la sheegay in labo bilood ka hor laga soo daayey Xabsiga, kadib, markii uu muddo 14-sanno ku xirnaaa Xabsiyadda Yuhuudda.
Dhinaca kale, Ugu yaraan 231 Falastiiniyiin ayaa lagu dilay iska horimaadyo ka dhacay gudaha Israel, dhulka la-haysto ee Daanta Galbeed iyo Marinka Qasa tan iyo bishii October sannadkii 2015-kii.
©Radio Dalsan
