Wargeyska The Monitor ayaa qoray in Askari ka tirsan Ciiddanka Difaaca Dadka ee UPDF habeenkii Talaadada  lagu dilay Tuulladda Anyola, kadib, markii uu haweeney da’ ah ka xaday 3 neef oo Ari’ ah.
Asksrigaasi oo lagu magacaabi jirey Fred Otim waxa uu ka tirsan Guutadda Alpha Battalion ee saldhigoodu yahay Degmadda Oyam.
Dadka deggan Tuulladda Anyalo ayaa la sheegay inay Askariga garaaceen ilaa uu ka geeriyoodo.
Fred Otim oo 48-jir ah ayaa lagu helay inuu Haweeney carmal ah (Ninkeeda dhintay) oo 62-jir uu ka xaday 3 neef oo Ari’ ah.
Haweeneydaasi waaa lagu magacaabaa Anjulet Amongi.
Dhinaca kale, Askariga la dilay ayaa la sheegay inuu lahaa 3 guri, oo mid ku dhex yaalla Xeradda Ciiddanka ee Looro ee uu ka tirsan yahay, halka 2 kalena ku yaallaan meel ka baxsan Xerada, wuxuuna ku kaydsan jirey alaabta uu soo xado.
Askariga waxaa wehlisay 2 Tuug, kuwaasi oo iyagoo tacbaan ah loo qaaday Isbitaalka, halka uu isagana isla goobta ku naf waayey.
Afhayeenka Boliska Degmadda Oyam, Victor Saasi Kule waxa uu xaqiijiyey dhacdada lagu dilay Askarigaas, oo maydkiisa la dhugay Qeybta lagu kaydiyo maydadka ee Xarunta Caafimaadka ee Anyeke.
