Dagaalamayaasha Al-shabaab ayaa wareer ku qaaday Gudaha dalka Kenya, waxaana lasoo sheegayaa in ay la wareegeen deegaan hoostaga degmada Mandheera ee gobolka Waqooyi Bari ee dalka Kenya.
Al-shabaab ayaa muddo saacado ah haystay degaanka, waxaana ay goob fagaare ah kula hadleen dadka degaanka, iyagoo khudbad u jeediyay sida ay soo sheegayaan Goobjoogayaal ku sugan Degaan Shiir oo Al-shabaab muddo saacado ah ay gacanta ku ahyeen, inkastoo markii dambe ay isaga bexeen sida aan xog ku helnay.
Al-shabaab oo war kasoo saaray weerarkaasi ayaa sheegay in ay gubeen xaruntii shirkadda Isgaarsiinta Safaricom ee deegaanka Shiir, waxaana Warbahinta ku hadasha Afka Al-shabaab lagu daabacay in Weerar kaasi ay ka dambeeyeen Al-shabaab, ayna dadka degaanka kula hadleen Goob fagaare ah.
Wali laamaha amniga Kenya kama hadlin weerarkaasi Al-Shabaab ay ku qaadeen deegaan hoostaga degmada Mandheera ee gobolka Waqooyi Bari ee dalka Kenya.
