Nadiya oo ah 23 jir bisha December ee soo socota ka qalin-jabin doonta jaamacadda ayaa noqotay qofkii ugu horreeyay ee Muslim ah, Soomaali ah oo ka mid noqda Golaha Deegaanka ee magaalada St Louis Park.
Markii ay xaqiijisay in ay guuleysatay ayay iyada iyo hooyadeedba u warrameen wariyaheenna gobolka Minnesota, Maxmuud Mascadde.
Waxaa isna xubinnimada Guddiga Waxbarashada ee magaalada Fridley ee gobolka MN ku guuleystay, Cabdisalam Aden oo ka mid ah jaaliyadda Soomaalida ee magaaladaasi.
Sidoo kale Soomaalida guuleysatay waxaa ka mid ah Safiya Khalid oo ah gabar Soomaaliyeed, taasoo noqotay Soomaaligi ugu horreeyay oo ku guuleysta xubinnimada golaha deegaanka ee magaalada Lewiston ee gobolka Maine ee dalkaan Mareykanka.
Guusha gabadhaas waxaa aad usoo dhaweeyay guud ahaan Soomaalida kunool dalka Mareykanka gaar ahaan Magaalada St Louis Park.
