Maanta waxaa Xarunta Golaha Shacabka ee Magaalada Muqdisho kulankoodii caadiga ahaa ku leh Xildhibanada Baarlamaanka federaalka Soomaaliya kuwaas oo ka hadli doono qodobo dhowr ah.
Xildhibaanada Baarlamaanka ayaa lagu wargeliyay in kulanka Baarlamaanka soo xaadiraan waxaana uu furmi doonaa waqtigii loogu talo galay oo ah 10:00 Barqanimo.
Kulanka Maanta ayaa Ajandaha ay xildhibaanada Baarlamaanka Soomaaliya ka doodi doonaan ayaa ah Akhrinta 1-aad ee Hindise Sharciyeedka Caafimaadka, Akhrinta 1-aad Heshiiska isdhaafsiga Maxaabiista ee Soomaaliya iyo Hindiya iyo Warbixinta Guddiga Gaadiidka.
17 Bishaan oo ku beegneed Isniintii la soo dhaafay ayey aheyd markii ay sidoo kale Akhrinta Koowaad marsiiyeen Xildhibaanadu Hindise Sharciyeedyada Biyaha iyo Waxbarashada.
Ammaanka Wadooyinka soo gala iyo kuwa ka baxa Xarunta Golaha Sahacabka ayaa aad loo adkeeyay, waxaana lagu arkayaa ciidamo ka tirsan kuwa dowladda Soomaaliya oo amniga xaqiijinaya.
