Waxaa Maanta oo Sabti lagu wadaa in Xildhibaanada Golaha Shacabka Baarlamaanka Federaalka Soomaaliya ay kulankoodii caadiga ahaa ay ku yeeshaan Villa Hargeysa ee Magaalada Muqdisho.
Kulanka Xildhibaanada Golaha Shacabka ay yeelanayan Maanta oo ay taariikhdu ku beegan tahay 4-ka Bisha January 2020-ka, ayaa Ajendihiisu waxa uu yahay U codeynta Heshiiska Damaanad Qaadka Maalgashiga Darafyada badan iyo Akhrinta 3aad ee wax ka badelka Sharciga Duulista Rayidka ee Hawada.
Xarunta Villa Hargeysa ee Magaalada Muqdisho ayaa waxaa hadda ka socda diyaar garow ku aadan sidii uu kulanka u furmi lahaa, waxaana kasoo qeyb galaya inta badan Xildhibaanada Baarlamaanka Soomaaliya, kuwaasi oo xalay lagu wargeliyay inuu jiro kulanka Maanta.
Xildhibaanada Golaha Shacabka ayaa todobaadyadii lasoo dhaafay si isbede joog ah u yeelanayay kulamo kala duwan, iyagoona ku ansixiyay Ajendayaal dhowr ah oo hor yaallay, waxaana weli laga doonayaa inay meel mariyaan kuwo kale oo muhiim ah.
