Qaraxa koowaad  ayaa waxa uu ka dhacay Xaafada Odweyne ee degmada deeyniile,waxana laamaha aniga ay xaqiijiyeen in uu ahaa Gaari Kaarib ah oo ay Miino nooca dhulka lagu aaso ah la qaraxaday,sida ay xaqiijieyen masuuliyiin ka tirsan Maamulka gobolka Banaadir.
Qaraxa ayaa inta la xaqiijiyey waxaa ku geeriyootay laba ruux halka Saddex kale ay ku dhaawacmen kuwaas oo loo qaaday mid ka mid ah Goobaha Caafimaad ee Magaalada Muqdisho si loogu daweeyo.
Masuuliyiin ka tirsan laamaha amniga Soomaaliya ayaa Goobta gaaray si ay baaritaan ugu sameeyaan dadkii ka dambeeyey qaraxaas,waxana la sheegay in gaariga miinada la kacday ay wateen Ciidamo ka tirsan kuwa dowladda Soomaaliya gaar ahaan Gudoomiyihii Waaxda Afaarad ee Tiida oo ka tirsan degamda deeyniile oo goobta ku geeriyooday kaas oo Magaciisa lagu sheegay cabdi fitaax Barre Macalin.
Al-Shabaab ayaa War ay ku qoreen baraha ay ku leeyihiin intenet-ka ayaa waxa ay ku sheegeen in qaraxas ay ku dileen Taliyaha Ciidanka Nabadsugida deegaanka Tiida ee degmada Deeyniile,in kastoo warkaas Maamulka degmada deeyniile aysan weli ka hadlin.
Dhinaca kale qaraxa labaad ayaa ahaa Miinada nooca dhulka lagu aaso ah taas ku qaraxday Hareeraha Wadada laamiga ah ku dhow Warshada Biyaha Caafi oo ku taalla Wadada Warshada,iyada oo aysan jirin wax khasaaraha ah oo ka dhashay qaraxaas.
