Talaadada Maanta ayaa lagu balansan yahay in ay kulmaan masuuliyiin ka kala socda Dowladda Federaalka Soomaaliya iyo dowladda Kenya  si ay uga wada hadlaan xiisada ka dhalatay darbiga Kenya ay ka dhisi laheyd Magalada Balad Xaawo.
Gudoomiyaha Gobolka Gedo ayaa Maalin ka hor sheegay in kulankaasuu dhacayo 27 Maarso oo maanta ku beegan,isla markaana dowladda Soomaaliya ay isaga u wakiilatay in kulankaas uu uga qeyb galo.
Warar aan helnay ayaa waxa ay sheegayaan in kulanka uu Maanta furmi doono,kaas oo ay ka wada qeyb geli doonaan Wakiilada ka kala socda labada dowladood si loo dhameeyo xiisada soo laab laabatay ee ka taagan Magaalada Balad Xaawo ee Gobolka Gedo.
In kastoo Kenya ay haatan joojisay dhisida darbiga kadib wadahadal dhexmaray madaxweyne Farmaajo iyo dhigiisa dalka Kenya ayaa hadana waxaa rajo laga qabaa in heshiis rasmi ah laga gaaro xiisadaas,iyada oo dadka reer Balad Xaawo ay soo dhaweeyeen Go’aankii Kenya looga joojiyey dhisida darbiga.
