Dagaal khasaaro geystay una  dhaxeeyay Ciidamada dowladda iyo Al-Shabaab ayaa caawa waxa uu ka dhacay degmada Afgooye ee Gobolka Shabellaha Hoose.
Dagaalka ayaa waxa uu yimid akdib markii Al-Shabaab ay weerar ku soo qaadeen Koontoroolka ay ku sugan yihiin ciidamada dowladda oo ku yaalla Buundada yare e degamda Afgooye.
Dadka ku nool Afgooye qaarkood oo Dalsan la hadlay ayaa waxa ay sheegeen in dagaalka mudo ku dhow saacad uu socday,isla markaana aysan ka warheyn khasaaraha ka dhashay maadaama ay tahay xili habeen.
Warar kale oo aan helnay ayaa waxa ay sheegayaan in daagalka u geystay khasaaro dhimasho iyo dhaawac oo labada dhinac ah iyo dad Shacab ah intaba.
Maamulka degmada Afgooye ayaan la xiriirnay si aan wax uga weeydiino dagaalkaas,balse waa uu ka gaabsaday in uu ka hadlo dagaalkaas.
Wararkii u dambeeyey ee haatan nasoo gaaraya ayaa waxa ay sheegayaan in xaaladu iminka ay tahay mid degan,isla markaana Al-Shabaabkii weerarka soo qaaday ay dib ugu laabteyn halkii ay ka yimaadeen.
