19,kii Bishaan ayay aheyd markii Golaha Wasiirada ay meel mariyeen soo jeedin ka timid Wasiirka Cadaalada kaas oo lagu Magacaabay taliyaha Ciidanka Asluubta Soomaaliyeed.
Sareeyo Gaas Xuseen Xasan Cusmaan oo mudo dhowr bil ah haayay xilkaas ayaa Maanta la filayaa in uu xilkaas ku wareejiyo taliyaha Cusub ee Ciidanka Asluubta Soomaaliyeed Bashiir Maxamed Jaamac( Bashiir Goobe)
Munaasabad uu xilka kula wareegayo taliyaha Cusub ee Ciidanka Asluubta oo xilkaas mar horay u soo qabtay ayaa waxaa Maanta ka qeybgeli doona Masuuliyiin ka tirsan Dowladda Soomaaliya.
Taliyihii hore ee Ciidanka Asluubta Soomaaliyeed Sareeyo Gaas Xuseen Xasan Cusmaan ayaa isaga oo ka qeyb galayay munaasabad lagu xusayay 48-guuradii ka soo wareegtay Aas-aaska ciidanka Asluubta waxa uu sheegay in uu isaga dalbaday xilka qaadista isla markaana Maanta oo Axad ah uu xilka wareejinayo.
Hoos Ka Dhageyso Codka Taliyihii hore ee Ciidanka Asluubta.
