Dowladda Kenya ayaa sheegtay in duqaymaha xagga Cirka ah ee ay Diyaaradaha Maraykanku ka geystaan gudaha Soomaaliya ku dhaawacmeen Labo Muwadin oo Kenyaan ah kana tirsanaa Al-Shabaab.
Mohamed Ahmed Farah iyo Abdullahi Wilif ayaa markii hore ka tagey ismaamulka Wajeer ee waqooyi bari Kenya, kuwaasoo haatan lagu dabiibayo degaanka Caws qurun oo ay gacanta ku hayaan Al-Shabaab.
Laba xubnoon oo ka tirsanaa Al-shabaab ayaa sidoo kale lagu dilay, Afar kalena waa lagu dhaawacay duqayn ay Diyaaradaha Dagaalka Kenya la beegsaday Saldhigyo ay Al-Shabaab ku leeyihiin Soomaaliya.
Diyaaradaha Dagaalka Maraykanka iyo kuwa Kenya ayaa in dhowaalaba duqeymo xagga Cirka la beegsanayay Saldhigyada qarsoodiga ah ee ay Al-shabaab ku leeyihiin degaannada yar ee ay ka joogaan gudaha Soomaaliya.
