Maamulka Galmudug ayaa haatan qorsheynaya in ay bilaabaan sidii looga hortegi lahaa Maleeshiyad hubeysan oo mararka qaar deegaanada Maamulkaas dhigta jidgooyooyin dadka Shacabka ah loogu geesto dhibaatooyin.
Golaha Wasiirada Maamulka Galmudug oo shir deg deg ah ku yeeshay Magaalada Cadaado ee Xarunta KMG,ka ah ee Maamulka Galmudug ayaa dood dheer kadib ugu dambeyn Guddi u saaray arrinta ku aadan jidgooyooyinka yaala deegaano ka tirsan Galmudug.
Wasiir ku xigeenka Wasaaradda Warfaafinta Galmudug Cabdi Raxmaan Jaamac Afrax ayaa sheegay in Guddi ka kooban lix Wasaaradood loo saaray arrinta Isbaarooyinka, isla markaana ay soo bandhigi doonaan qaabkii loo wajihi lahaa kooxaha isbaarooyinka dhigta.
Ugu dambeyn Guddigaan ayaa Maalinta Axada ah oo ku began 17 Bishaan waxa ay dib ugu soo celin doonaan Xubnaha Golaha Wasiirada Galmudug qorshaha ay dejiyeen si talaaba loo qaado.
Hoos Ka Dhageyso Codka Wasiir ku xigeenka
