Taliyaha Ciidamada Asluubta Soomaaliyeed Bashiir Maxamed Jaamac (Bashiir Goobe) ayaa sheegay in ay ku guuleysten in Maxaabiista ku xiran Xabsiga dhexe ee Xamar ay helan Telefishino ay daawan karan wararka,Ciyaaraha iyo Barnaamijyada Madadaalada.
Sawiro laga soo qaaday Xabsiga ayaa muujinaya qaar kamid ah Maxaabiista oo ku fadhiya sariirta jiifka oo si deggan u daawanaya Wararka iyo Ciyaaraha kubada cagta.
Bashiir Maxamed Jaamac (Bashiir Goobe) ayaa sheegay in qaar kamid ah maxaabiista ay u sheegen in ay mararka qaar moodan ineyba ku sugan yihiin Xarun hoteel ah oo aysan ahayn dad maxaabiis ah maadama ay helen wax walba noloshooda ku tiirsan.
Qaar kamid ah Maxaabiista ayaa hore u helay waxbarasho bilaash ah tani ayaana noqoneysa talaaba wanaagsan oo ay hore u qaaden Taliska Ciidamada Asluubta Soomaaliyeed.
