Ra’isul Wasaare Kuxigeenka XFS mudane Salah Jama, Wasiirka Arrimaha Gudaha, Federaalka iyo Dib u heshiisiinta XFS mudane Ahmed Moallim Fiqi iyo Wasiirka Dastuurka mudane Xasan Macallin ayaa caasmidda Muqdisho ku daahfuray kulanka siyaasadda loo dhanyahay ee u dhaxeeya Xukuumadda Federaalka Soomaaliya iyo Saaxibada Caalamiga ee Soomaaliya ka taageera dhinaca Dowlad dhiska.
Shirkan labada maalin uu socdo, madaxda kala duwan oo ugu horreeyo Wasiirka Arrimaha Gudaha ee Soomaaliya mudane Axmed Fiqi ayaa lagu wadaa in ay ka hadlaan geedi socodka dowlad dhiska, caqabadaha iyo hiigsiga 2024-ka.
Xubnaha beesha caalamka ee kaqeybgalaya shirka Xukuumadda Federaalka ah iyo Saxiibada Soomaaliya ee looga hadlayo Siyaasadda loo dhanyahay, geedi socodka, caqabadaha iyo hiigsiga 2024-ka ayaa hadallo kooban oo ay soo jeediyeen waxaa ay bogaadiyeen howlaha geedi u socodka dowlad dhiska, hortabinnada dowladda iyo qorsheyaasheeda 2024-ka iyaga oo ballanqaaday in ay taageeri doonaan howlahaasi.
Ururrada, dalalka iyo hey’adaha maanta kaqeybgalay shirka waxaa ka mid ahaa: UN. OIC, EU, ATMIS, US, UK, Norway, Turkey, Finland, UNDP iyo qaar kale.
