Faah faahino dheeraad ah ayaa laga helayaa Nin habeenimadii xalay aheyd si arxan darro ah xaaskii uu qabay ugu gowracay xaafadda Wadajir ee degmada Qoryooley ee Gobolka Shabeellaha Hoose ee Maamulka Koonfur Galbeed Soomaaliya.
Qaar kamid ah dadka deegaanka ayaa kusoo warramay in Ninka uu tooreey saddex meel oo kamid ah jirkada xaaskii uu qabay uga dhuftay, iyadoona ugu danbeyn ku geeriyootay isbitaal ku yaalla degmada Qoryoole oo la geeyay.
Saraakiisha ammaanka ee Qoryooley oo la hadlay warbaahinta ayaa sheegay in xalay fiidkii degmadaasi ka dhacday dhacdo argagax leh, isla markaana laamaha amniga ay gacanta kusoo dhigeen Ninkii gowracay xaaskiisii
“Mindi ayuu ku dhuftay saddex meelood camal way dhimatay gabadha isbitaal ayaa loola cararay, balse dhex ayay ku geeriyootay†ayuu yiri taliye ku xigeenka Qoryooley oo xusay inay wadaan baaritaano ku aadan waxa sababay falkaasi naxdinta lahaa.
Waa dhacdadii labaad oo ku aadan arrimo qoys, ayada oo shalay Muqdisho ay ku geeriyootay Luul Cabdicasiis oo uu todobaadkii hore dab qabad-siiyay seygeeda oo la sheegay inuu maseeray, waxayna dhacdadaas ka dhacday degmada Dharkenley ee magaalada Muqdisho.
