Ciidanka Xoogga dalka ayaa Maalmihii lasoo dhaafay waxaa ay howgallo Culus ka sameeyeen degmooyin iyo degaanno dhaca koofurta Gobolka Galgaduud ee Maamulka Galmudug.
Ciidanka ayaa howgalladaasi ay sameeyen kusoo qabtay Xubno la sheegay inay AL-Shabaab yihiin, waxaana si gaar ah howgalladaasi ka dhaceen deegaanka Bulacle ee gobolka Galgaduud.
Waxaana Saraakiisha Ciidanka horkacaysa ay intaa ku dareen in ay dileen dagaalameyaal ka tirsan Alshabaab, halka mid kalena nolosha lagu qabtay, sidoo kale waxaa Ciidanka xoogga ay gacanta ku dhigeen Mooto FEKON ah iyo hal qori oo AK47 ah.
Saraakiisha hoggaamineysay ciidanka fuliyey howlgalkaas ayaa warbaahinta qaranka u sheegay in kooxdaas oo 8 dagaalame ahaa ay dhulka howdka ah ee deegaanka Bulacle ay kula dagaalameen ciidanka xoogga iyo kuwa degaanka, isla markaana ay ku guuleystaleen inay dilaan seddax ka mid ah Alshabaab.
Saraakiil ka kala tirsan ciidanka deegaanka, hey’adda NISA, xoogga dalka iyo masuuliyiin uu hoggaaminayo guddoomiyaha Dhuusamareeb Macalin Cabdiraxmaan Geedaqorow ayaa gaaray deegaanka Bulacle oo lagu soo bandhigay meydka iyo maxbuuska alsjabaab.
