Qarax dhawaqa jugtiisa laga maqlay qaybo kamida magaalada Beledweyne ee Xarunta gobolka Hiiraan ayaa maanta abbaare duhurradii ka dhacay bar kontorool oo ahayd meel aad u mashquul badan.
Qaraxa oo loo adeegsaday gaari xamuul ah oo lagaasoo buuxiyay walxaha qarxa ayaa ku qarxay goobta iyadoo uu ka dhashay qasaare isugu jira dhimasho iyo dhaawac.
Illaa tobaneeyo ruux ayaa la sheegayaa in ay ku geerodeen halka dhaawacana la sheegay in uu kor u dhaafayo labaatan ruux.
Qaraxaan ayaa waxyelleeyay dhismeyaal ganacsi oo aagga ka dhowaa iyadoo la sheegay in uu saameeyn ku yeeshay qaar kamida guryihii agagaarka halka uu weerarku ka dhacay.
Baledweyne waa magaalada labaad ee kooxda Shabaab ka fuliso qaraxyada Ismiidaaminta ah ee ugu khasaaraha badan marka laga reebo magaalada Caasimada ah ee Muqdisho.
Masuuliyiin uu kamid yahay reysal wasaaraha Soomaaliya Xamza Cabdi Barre ayaa ka tacsiiyay weerarka.
