Wasiirka Gaashaandhigga Xukuumadda Federaalka Soomaaliya Cabdulqaadir Maxamed Nuur oo ku sugan magaalada Ceel la-helay ee gobalka Galgaduud ayaa ugu baaqay shacabkii ka barakacay guryahooda magaalooyinka Ceel la-helay iyo Ceel-garay inay dib ugu soo laabtaan.
Wasiir Cabduqaadir Maxamed ayaa sheegay ciidanka xoogga dalka iyo guud ahaan dowladda Federaalka inay u taagantahay caawinta iyo garab istaaga dadka deegaanka oo ay dib u dhigeen dagaalamayaasha Al-Shabaabb, waa sida uu hadalka u dhigay
Wasiirka Gaashaandhigga Xukuumadda ayaa sidoo kale aad u bogaadiyay ciidanka deegaanka ee macwiisleyda sida buuxda u garab taagan Ciidanka Qaranka oo guulo waa weyn ka gaaray dagaalka dowladda kula jirto Al-Shabaab.
Ciidanka dowladda Soomaaliya ayaa dhawwaan Al Shabaab ka saaray deegaannada Ceel-helay iyo Ceel-garas, waxaana deegaannadan horey uga sii qaxay dadkii kunoolaa oo dib ugu soo laaban sidii ciidanka dowladda ula wareegeen deegaannadaasi.
