Madaxweynaha dowlad Goboleedka Hirshabeelle Cali Cabdullaahi Xuseen Guudlaawe ayaa habeenkii xalay aheyd xilka qaadis ku sameeyay mid kamid ah Wasiiro ku-xigeenada Maamulkiisa.
Wareegto kasoo baxday Xafiiska Madaxweyne Cali Guudlaawe ayaa waxaa xilka looga qaaday Wasiir ku-xieenkii Wasaaradda amniga Hirshabeelle Xasan Maxamed Cilmi, isagoona Eedeyn loo jeediyay.
Wasiir Xasan Maxamed ayaa lagu eedeeyay inuu gudan waayay waajibaadkiisa shaqo ee loo idmaday ee Wasaaradda amniga, isla markaana arrintaas ay keentay in shaqada laga eryo, iyadoona aan la magacaabin mas’uulkii lagu bedeli lahaa.
Sidoo kale Wareegtada uu soo saaray Madaxweyne Cali Guudlaawe ayaa waxaa lagu caddeeyay in muhiim ay tahay in dib u habeyn lagu sameeyo shaqada Wasaaradda amniga dowlad Goboleedka Hirshabeelle.
Hoos ka Akhriso Wareegtada xilka qaadista.
