Dab xooggan  ayaa  ka kacay guryo ku yaalla Degmada Kaaraan ee Gobolkani Banaadir, waxaana hadda socda Gurmad iyo dadaalo lagu daminayo dabka oo ah mid aad u xooggan.
Dabka ayaa ka kacay Xaafadda Jamhuuriya ee Degmada Kaaraan, gaar ahaan aga-gaarka Macalin Cabdi, waxaana dad Goobjoogayaal ah ay soo sheegayaan in wali dabku uu socdo.
Labo guri ayaa ku basbeelay sida wararku sheegayaan, waxaana hadda gubanaya gurigiii Seddexaad, waxaana dabka dhaliyay Koronto sida ay inoo xaqiijiyeen dad goobjoogayaal ah oo ku sugan Xaafadda jamhuuriya ee Degmada Kaaran.
Wali waxaa socda dadaalo lagu daminayo dabka, waxaana goobta hadda ku wajahan Dab-damiska Gobolka, mana jiro khassaro nafeed oo ila hadda lasoo wariyay, marka laga tago in hanti ay ku Basbeeshay guraha Gubtay.
Xalay aayy ahayd markii Suuqa weyn ee Wadajir ay ku gubteen Goobo ganacsi, waxaana dabkii xalay ku baaba’ay Hanti aad u abdan oo ay lahaayeen dadka ku ganacasada Suuqa Wadajir.
