Qoraal ka soo baxay Xafiiska QM ugu qaabilsan Arrimaha Samafalka ee OCHA ayaa lagu sheegay inay in ka badan 90,000 oo qof uu saameeyey daadadka iyo roobabka ka da’ayo Koonfurta Somalia tan iyo bishii la soo dhaafay ee October 23-dii.
OCHA waxay sheegtay inay daadadkaasi ku barakaceen dad lagu qiyaasay 42,000 oo qof, kuwaasi oo ay dhibaatooyin ka soo gaareen Fatahaadda Webiyadda.
Warbixinta Xafiiska QM ee Hawlaha Samafalka ee OCHA waxay ka digaysaa  inay da’i doonaan roobabka EL NINO, kuwaasi  sababi doona inay Webiyadda karaarka goostaan, isla markaana ay ku fatahaan dhul-beereedyo ku yaalla Deegaannadda ku teedsan Webiyadda Jubba iyo Shabeelle.
Dhinaca kale, Warbixinta cusub ee Xafiiska OCHA waxa lagu sheegay in Kumanaan kun oo qof oo ku nool Deegaanadda aan Taagga ahayn ee ku yaalla Koonfurta iyo Bartamaha Somalia ay weli khatar ugu jiraan roob iyo inay Webiyadda ku soo fatahaan.
Qeybo ka mid ah dalka Somalia waxaa xilligan ka da’ayo Roobabka Duufaanta wadata ee Elnino, taasi oo saamayn xooggan ku yeelan doonto dadka ku nool dalalka Bariga Dhexe iyo Gacanka Cadmeed.
Â
