Nin ku hubeysnaa Qori Ak-47 ayaa waaberigii hore ee saakay qof ku shacab ah ku dilay deegaanka Godinlabe ee Gobolka Galgaduud ee Maamulka Galmudug, sida ay sheegayaan wararka aan halkaas ka heleyno.
Qofka la dilay ayaa ahaa Nin kamid ah dadka deegaanka Godinlabe, waxaana rasaas dhowr ah lagu dhuftay xili uu fadhiyay goob maqaaxi ah oo uu lahaa, isagoo markii dambena u geeriyooday rasaasta.
Ninkii hubeysnaa ee ka dambeeyay falkaas ayaa isku dayay inuu siΓΒ dhaqsi ah goobta uga baxsado falkaΓΒ kadib, hayeeshee Ciidamo ka tirsan kuwa Booliska Maamulka Galmudug oo ku sugnaa deegaanka ayaa gacanta ku dhigay Ninkaas.
Meydka qofkii la dilay ayaa waxaa la sheegay in loo qaaday dhinaca deegaanka mareergur ee Gobolka Galgaduud, isla markaana waxaa la sheegay in dilkaas uu ahaa mid la xiriiray aano qabiil.
Deegaano ka tirsan dowla Goboleedka Galmudug ayaa waxaa muddooyinkii ugu dambeeyay ka dhacayay dagaal beeleedyo iyo dilal la xiriiray aano qabiil, waxaan Galmudug ay sheegtay inay wado dadaalo looga hortegayo arrimahaas ku soo noq-noqday.
