Xildhibaanada Baarlamaanka Maamulka Galmudug ee deegaan doorashadoodu tahey Degmada Cadaado ayaa booqdey deegaanka Qalaanqale oo dhawaan ay ku dirireen Malashiyo beeleed ka sookala jeeda beelo walaalo ah oo deegaanka wada-dagan.
Xildhibaanada ayaa la kulmey saraakiisha Ciidamada dawlada Soomaaliya iyo kuwa Galmudug ee kulala dhexjira Malayshiyada labada beelood waxayna ku booriyeen shaqada adag oo ay hayaan.
Sidoo kale waxa ay deegaanka Xinjilab kula kulmeen Odayaasha dhaqanka, Waxayna ku wacyigaliyeen kashaqaynta Amniga iyo kugacan siinta saraakiisha Ciidamada shaqada adag oo ay hayaan.
Dagaal u dhexeeyay laba Maleeshiyo ayaa dhawaan waxaa uu ka dhacay deegaanka Qalaanqale ee duleedka Dhuusamareeb, kaasi oo geystay Khasaaro isugu jiray dhimasho iyo dhaawac oo labada dhinac soo kala gaaray.
