Safaaradda Mareykanka ee Dalka Kenya ayaa Xalay soo saartay digniin ku aaddan suurtagal-nimada weerar Argagixiso oo ka dhaca Hoteellada waaweyn ee Magaalada Nairobi.
Qoraal kooban oo lagu daabacay barta Internetka ee  Safaaradda ayaa lagu sheegay in la rumeysan yahay in la bartilmaamedsado Hoteellada caanka ku ah dalxiisayaasha iyo Dadka safarka ah ee howlaha ganacsi ku jira.
Safaaradda ayaa Dadka Dalxiisayaasha iyo kuwa kale ee ku sugan Hoteellada Magaalada Nairobi kula talisay in ay muujiyaan feejignaan dheeri ah.
Ammaanka magaalada Nairobi ayaa maanta aad loo adkeeyay waxaana ciidamada ammaanka lagu arkayaa goobo muhiim ah oo ku yaalla magaalada,si looga feejignaado weeraradaas ay ka digtay dowladda Maraykanka.
