Labo Dagaalyahan oo ka tirsan Xarakadda Alshabaab ayaa la sheegay inay isku qarxiyeen Xero lagu tababato Ciiddanka oo ku taalla Dekeddii hore ee magaalladda Kismaayo, waxaana qaraxaasi ku geeriyooday 10 ka tirsan Ciiddankii ku sugnaa Xeradda iyo raggii geystay is-qarxintaasi.
Taliska AMISOM ayaa sheegay inay 3 Tababarayaal ka tirsan AMISOM ku dhaawacmeen Is-qarxintaasi.
Qoraal ay AMISOM soo dhigeen Twitterka ayey ku sheegeen in gacanta lagu dhigay Labo Eedeysane oo lala xiriirinayo inay ku lug lahaayeen Is-qarxintaasi.
Xarakadda Alshabaab ayaa sheegatay inay ka dambeeyeen Is-qarxinta maanta lala beegsaday Ciiddan ku sugnaa Dekeddii hore ee Kismaayo.
Dhinaca kale, Afhayeenka Kolonel Barre Hiiraale ayaa ku eedeeyey Maamulka Axmed Madoobe inay soo abaabuleen Qaraxaasi oo uu sheegay inuu fuliyey Nin horey uga tirsanaa Alshabaab, balse haatan ka tirsanaa Ciiddanka Maamulka Jubbaland.
© Radio Dalsan
